NAiOS CAD
naios-cadv0.2.1Visor de planos CAD: sube un DWG o un DXF de AutoCAD e míralo coas súas capas, mide distancias e superficies, busca textos, expórtao a PNG ou PDF e pregúntalle ao chat que hai no plano.
Descrición
Un proxecto CAD é un cartafol de planos. Subes un ou varios ficheiros DWG ou DXF (AutoCAD, BricsCAD, LibreCAD, DraftSight…) e o módulo lévaos: unidades, extensión, capas coa súa cor, bloques, tipos de entidade, textos e cotas, layouts e avisos (referencias externas que non chegan, tipos de letra SHX, entidades 3D proxectadas). Os DWG convértense a DXF no teu propio navegador con LibreDWG (o ficheiro non sae a ningún servizo externo) e o DWG orixinal consérvase. Cada plano ábrese nun visor 2D con panel de capas (amosar/ocultar), zoom, encadre, fondo branco ou negro, medir distancias e áreas nas unidades do plano e en metros, buscar un texto e centralo, e exportar a vista a PNG ou a PDF vectorial. Desde o chat, adxuntar un .dxf crea o plano no teu proxecto «Desde o chat» e o modelo recibe a ficha (un .dwg gárdase pendente e convértese ao abrir CAD); as ferramentas cad_* respostan a «que estancias ten o plano?», «onde está o cadro eléctrico?» ou «canto mide?».
Funcionalidades (8)
Agrupa nun proxecto os planos dunha mesma obra ou encargo; cada DXF é un plano coa súa ficha.
Os DWG convértense no teu navegador con LibreDWG: o plano non sae a ningún servizo externo e o orixinal consérvase.
Panel de capas coa súa cor; amosa ou oculta cada unha; as apagadas e conxeladas chegan así.
Distancias e superficies nas unidades do plano e en metros, con imán aos vértices.
Escribe «cadro eléctrico» ou «baño» e o visor lévache ao rótulo.
Exporta a vista actual a imaxe ou a PDF vectorial coas capas visibles.
Cada proxecto compártese coas persoas que elixas, para ver ou para editar.
Adxunta o DXF e pregunta: o modelo recibe a ficha e as ferramentas cad_* respostan sobre capas, textos e medidas.
Changelog
- Táboas de AutoCAD (ACAD_TABLE): pintanse co seu bloque de xeometría na súa posición e xiro, e os seus textos entran no buscador e no que lle lee o chat; se o ficheiro trae a táboa sen bloque pero con filas e columnas, debuxase a grella cos textos das celas. As táboas que chegan sen posición (DXF xerados por LibreDWG a partir dun DWG) producen un aviso propio en vez de «entidade non soportada».